മുറിവ്
ആ മുറിവില്‍ നിന്ന്
കിനിയുന്നു
ചുടു ചോര...
നുഴഞ്ഞു കയറുന്നത്
തീവ്രവാദികളല്ല...
എന്റെ മനസ്സാണ് .
ആ മുറിവിനു
സമാധാനം
പറയേണ്ടത് ഞാനാണ്...
ആ മുറിവില്‍
പൊട്ടിയ ഒരു
കണ്ണട, പൊട്ടിത്തകര്‍ന്ന
ആ ചില്ലിന്‍ തുണ്ടുകളിലും
ചോര പൊടിഞ്ഞിരിക്കുന്നു...
ചുവന്ന പനിനീര്‍ പൂക്കള്‍
പറഞ്ഞു ബാക്കിവെച്ച കഥ
ഇവിടെ ചുടുചോര മുഴുവിപ്പിക്കാതെ
നിര്‍ത്തി വെയ്ക്കുന്നു!
ഇതാ ഞാന്‍ തുടങ്ങുന്നു.
ഞാനും ആ ചോരയുടെ
പിന്‍തലമുറക്കാരന്‍.
ഈ കഥ പറഞ്ഞവസാനിപ്പിക്കാന്‍
കാലമേ, ആ പൊട്ടിയ
കണ്ണട ചേര്‍ത്ത് വെയ്ക്കൂ...
അവസാന ബിന്ദുവിടാനാകാതെ
ഞാന്‍ ഇതാ അവസാനിപ്പിക്കുന്നു,
കഥാകഥനം!
Comments
Post a Comment